عشان ماحققتش اللى كنت أتمناه د.فكرى جلال

أملك يا مصر جاى ويا الشباب .. ياه ..من زمن بعيد كان صوتنا مخفوت فى الضباب ... ولو حد فكر فى يوم يزعق يقول كلمة عتاب ..أكيد هيروح فى محبس مخفوت بالتراب .. ياه .. يا ثورة شلتى كل ده منى .. وباقدر أعلى صوتى فى كل وقت.. وباسمعه بس لسه باحس بالعذاب .. عشان ماحققتش اللى كنت أتمناه .. يمكن يجيى وقت وتكونى يا مصر بحقيقى فيكى حريه ... وأنتى مدنية وعصرية .. وكل واحد يبقى بحق مصرى ورافع راسه وبيلمس تناتيف السحاب ... يا ريت يا مصر تحققى حلمك وترمى بقى همك .. ومن العمل تطلع مزارع على رملك ..