فى خمسة وعشرين يناير ... انها ليست مجرد كلمات ...
د. فكرى جلال
قولو... للى مش عارف وعدنا
وعايز يعطل حلمنا
هننزل للميدان مع بعضنا
فى خمسة وعشرين يناير
هيعرفوا اننا ما سبناش حقنا
واحنا باصرار هنصون ثورتنا و عهدنا
*******
ما فيش حد تانى بعد النهارده هيعطل حلمنا
والشهدا فوق جناح الامتنان جايين يوماتى
وطايرين عالميدان ... يرشوا ورود من الجنان
بكام مليون جناح ملينو بالنجاح
و الثورة منهم قادت مشاعل الطريق ..
بس ياريت مايجنيش ثمارها
اللى كانوا بيشعلوها بالحريق
قولو ... للى مش عارف وعدنا
وعايز يعطل حلمنا
هننزل للميدان مع بعضنا
فى خمسة وعشرين يناير
هيعرفوا اننا ما سبناش حقنا
واحنا باصرار هنصون ثورتنا و عهدنا
*******
فى خمسة وعشرين يناير هنعلن الحرية
... وعدالة اجتماعية وكرامة تبقى حقيقى ... كرامة انسانية
لو حد هيجرب تانى يشيل منا الامانى ...
قولو ... للى مش عارف وعدنا
وعايز يعطل حلمنا
هننزل للميدان مع بعضنا
فى خمسة وعشرين يناير
هيعرفوا اننا ما سبناش حقنا
واحنا باصرار هنصون ثورتنا وعهدنا
****
الجمعة مارس 09, 2012 7:16 am من طرف د.فكرى جلال
موضوع: فى خمسة وعشرين يناير ... انها ليست مجرد كلمات ... د. فكرى جلال