يا مصر هتعيشى " اهداء لثورة الحرية بعد مرور عام من الكفاح "
د. فكرى جلال
يا مصر هتعيشى طول ما احنا ...
عايزين نعيش احرار
وحزنك الظاهر ...
والمك الباطن هنطويه
لما العدل يجيبه رجال ثوار ...
يا مصر هتعيشى ...
********
يا مصر هتعيشى واياك فى مره تقول
اللى فقد عمره واللى انكتب فى السما ثائر مش
اغلى شهيد ...
واللى ساح دمه اياك توصمه بأنه قعيد
دول هما اللى صحوا شعب من عمق ثبات
وهما اللى جابوا ثورة
بعد ما أفتكرنا ان الامل بعد عنا ومات
يا مصر هتعيشى طول ما احنا ...
عايزين نعيش احرار
وحزنك الظاهر ...
والمك الباطن هنطويه
لما العدل يجيبه رجال ثوار ...
يا مصر هتعيشى ...
*****
يا مصر هتعيشى ...
والثورة لسه عايزه مكان
عايزه تزحزح الحجر بقوة البركان
عشان ينبت ورد وشجر وزهر
فيه عطر علاء وحرارة وسمر
وزياد ومايكل عشان يطلع من القلب كل مرارة
ميدان ...ميدان ...
فى كل مكان هوه اللى
صنع ثورة البركان
ويا مصر هتعيشى طول ما احنا ...
عايزين نعيش احرار
وحزنك الظاهر ...
والمك الباطن هنطويه
لما العدل يجيبه رجال ثوار ...
يا مصر هتعيشى ...
******
يا مصر هتعيشى ... وثورة مصرية ...
عنوانها سلمية ... عدالة حرية .. كرامة للانسان ...
عمل ويا الامل .. يطرح على ضفافك يا مصر اخلاصك
زهور عمرك شباب بلدك ... فى كل مكان ...
ويا مصر هتعيشى طول ما احنا ...
عايزين نعيش احرار
وحزنك الظاهر ...
والمك الباطن هنطويه
لما العدل يجيبه رجال ثوار ...
يا مصر هتعيشى ...
******
الحكمة دوما فى خزائن عقول النبهاء ... لا يتم التقاطها أبدا من هفوات الاغبياء .. مصر انت فيك حياة .. لن تنقطع حتى اذا انقطعت خيوط العنكبوت من يد غير الاسوياء ... شبابك سوف يحمل فى طيات ألمه قدرك حتى تسيرى مرفوعة الراس فى دروب الحرية وليس الشقاء ...
الجمعة مارس 09, 2012 7:16 am من طرف د.فكرى جلال
موضوع: يا مصر هتعيشى " اهداء لثورة الحرية بعد مرور عام من الكفاح " د. فكرى جلال